ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: Պակիստանի կենտրոնական մասի Հուջրանվալա քաղաքում (Փենջաբի նահանգ) մարդատար գնացքի խորտակման զոհ Է դարձել առնվազն 19 մարդ, տուժել Է եւս առնվազն 40 հոգի: Ինչպես տեղեկացնում Է «Արմենպրես»-ը, այս թվերը ներկայացրել Է Geo TV պակիստանյան հեռուստաալիքը:

Ինչպես ավելի վաղ հաղորդվել Է, երկաթուղային կամրջով գնացքի շարժվելու ընթացքում կառույցի հենասյուները չեն դիմացել բեռնվածությանը եւ փլվել են: Երկու վագոն, որոնցում եղել Է 140-ից մինչեւ 155 ուղեւոր, ընկել Է գետը: Հայտնի Է դարձել, որ գնացքը պակիստանյան բանակի զինծառայողներին ու նրանց ընտանիքների անդամներին Պանո Ակիլ բնակավայրից տեղափոխում Էր Հարիան քաղաք: Ներկայում փրկարարներին հաջողվել Է վագոններից դուրս բերել շուրջ 90 ուղեւորների:

Ըստ նախնական վարկածի, պատահարի պատճառ Է դարձել երկաթուղային կամրջի անբավարար վիճակը, որը կառուցվել Է ավելի քան 50 տարի առաջ, հաղորդել Է ՏԱՍՍ-ը:

Լուսանկարը` EPA