ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում հունվարի 25-ին` ժամը 08.20-ին, ահազանգ է ստացվել, որ Երևանի Րաֆֆու փողոցի թիվ 31 շենքի հարկերից մեկում ծուխ է նկատվում: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել երկու մեկ մարտական հաշվարկ: Պարզվել է, որ թիվ 31 շենքի նկուղում այրվում են ավտոպահեստամասեր: Հրդեհը մեկուսացվել է ժամը 09.10-ին, մարվել՝ ժամը 09.53-ին: Նկուղում այրվել են ավտոպահեստամասեր 5 խմ: