ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի  Դաշնության մայրաքաղաք Մոսկվայում դեկտեմբերի 20-ին ստորագրվել է  ՀՀ և ՌԴ կառավարությունների միջև համաձայնագիր, որով ՀԱԷԿ-ի շահագործման ժամկետը մինչև 2027 թվականը  երկարացնելու աշխատանքների համար ռուսական կողմը տրամադրելու է 270 մլն ԱՄՆ դոլար արտոնյալ պայմաններով վարկ և 30 մլն ԱՄՆ դոլար դրամաշնորհ:

Ինչպես «Արմենպրես»-ին տեղեկացրին ՀՀ էներգետիկայի և բնական պաշարների նախարարության տեղեկատվության և հասարակայնության հետ կապերի բաժնից, համաձայնագիրն ստորագրել են ՀՀ էներգետիկայի և բնական պաշարների նախարար Երվանդ Զախարյանը և  «Ռոս Ատոմ» կոորպորացիայի տնօրեն Սերգեյ Կիրիենկոն: