ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Լիտվայի Հանրային հեռուստատեսության «Մշակույթ» ալիքով հոկտեմբերի 26-ին ցուցադրվել է ռեժիսոր Վարդան Հովհաննիսյանի «Մարդկանց պատմությունը պատերազմի և խաղաղության ժամանակ» վավերագրական ֆիլմը: «Արմենպրես»-ի հաղորդմամբ` Սումգայիթյան ջարդերի հիշատակի օրվա կապակցությամբ  փետրվարի 26-ին տեղի էր ունեցել ֆիլմի ցուցադրություն, որին ներկա են եղել Լիտվայի Սեյմասի, տարբեր գերատեսչությունների, կինեմատոգրաֆիայի ներկայացուցիչներ, հայտնի լրագրողներ, հասարակական գործիչներ, պատմաբաններ, բազմաթիվ զինվորականներ և հայ համայնքի անդամներ: Այն կազմակերպել էր Հայաստանի դեսպանությունը՝ Լիտվայի Կինեմատոգրաֆիստների միության հետ համատեղ: