ԵԽ գագաթնաժողովն անփոփոխ է թողել ՌԴ-ի նկատմամբ պատժամիջոցներ կիրառելու մասին որոշումը

22:25, 24 Հոկտեմբեր, 2014

ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Եվրոպայի խորհրդի գագաթնաժողովն անփոփոխ է թողել Ռուսաստանի նկատմամբ պատժամիջոցների կիրառման  մասին որոշումը: Ինչպես հաղորդում է «Արմենպրես»-ը՝ վկայակոչելով ՏԱՍՍ-ը, այս մասին նշված է Եվրոպայի խորհրդի ամփոփիչ հայտարարության մեջ:

«Եվրոպայի խորհուրդը հիշեցնում է նախկինում ընդունված որոշումն արգելված քայլերի վերաբերյալ: ԵԽ-ն շարունակելու է հետևել Ուկրաինայում տեղի ունեցող իրադարձություններին՝ անհրաժեշտության դեպքում  նոր քայլեր ձեռնարկելու համար»,- ասված է փաստաթղթում:

ԵԽ-ն նաև Ռուսաստանին կոչ է արել նպաստել Ուկրաինայում հակամարտության խաղաղ կարգավորման գործընթացին, իսկ Լուգանսկի և Դոնեցկի  ինքնահռչակ հանրապետությունների ղեկավարություններին՝ հրաժարվել սեփական ընտրություններն անցկացնելուց և անցկացնել ընտրություններ Ուկրաինայի օրենսդրությանը համապատասխան:

ԵԽ գագաթնաժողովը նաև կոչ է արել դադարեցնել կրակը և կյանքի կոչել Մինսկյան պայմանավորվածությունները:


© 2009 ARMENPRESS.am