ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: ՆԱՏՕ-ն գաղափարախոսական նկատառումներով հրաժարվում Է ՀԱՊԿ-ի հետ համագործակցել Աֆղանստանի իրադրության կայունացման գործում: Այդ մասին, ինչպես տեղեկացնում Է «Արմենպրես»-ը, հոկտեմբերի 20-ին հայտարարել Է ՌԴ-ի արտաքին գործերի նախարար Սերգեյ Լավրովը:

«ՆԱՏՕ-ի մեր գործընկերները տասը տարի համառորեն հրաժարվում Էին Հավաքական անվտանգության պայմանագրի կազմակերպության հետ աշխատանքային փոխգործակցություն հաստատելու մեր առաջարկություններից, չնայած այն բանին, որ դա կլիներ բնական միավորում»,-ասել Է Լավրովը՝ Մոսկվայում հանդես գալով բաց դասախոսությամբ:

Նա հավելել Է, որ ՆԱՏՕ-ն ուժերի հենքն Էր ապահովում Աֆղանստանի ներսում, իսկ ՀԱՊԿ-ն կանոնավոր կերպով հակաահաբեկչական եւ թմրանյութերի տարածման դեմ պայքարի գործողություններ Է անցկացնում այդ երկրի սահմանների արտաքին պարագծով, հաղորդել Է ՌԻԱ Նովոստին: