ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: WBO վարկածով աշխարհի չեմպիոն Արթուր Աբրահամի մարզիչ Ուլի Վեգների կարծիքով Աբարհամի մարզավիճակում առաջընթաց կա:   

«Աբրահամը լավ մարզավիճակում է, բավականին մեծ առաջխաղացում ունի: Փոլ Սմիթը բավականին ուժեղ մրցակից է և միշտ առաջ գնացող բռնցքամարտիկ: Աբրահամը պատրաստ է հաղթել մրցակցին նոկաուտով»,-«Արմենպրես»-ի հաղորդմամբ, Ուլի Վեգների խոսքը մեջբերում է Sportal.de կայքը:

Արթուր Աբրահամը աշխարհի չեմպիոնի տիտղոսի համար կպայքարի բրիտանացի Փոլ Սմիթի հետ: Մենամարտը կկայանա սեպտեմբերի 27-ին գերմանական Քիլ քաղաքում: