ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Լիբիայի խորհրդարանը սեպտեմբերի 18-ին չի հաստատել նոր կառավարության կազմը: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, խորհրդարանի մամուլի քարտուղար Ֆարջ Հաշիմը նշել է, որ պատգամավորները Սուննայից պահանջել են նոր կառավարության կազմում ընդգրկել 10-ը նախարարից ոչ ավելի անձանց: Վարչապետ Սուննան կառավարության կազմում ընդգրկել էր 16 նախարարներ:

Մյուս կողմից, Լիբիայի Բենղազի քաղաքում շարունակվում են բախումները ապստամբների և կառավարական ուժերի միջև:

2011թ.-ից ի վեր, Քադաֆիի իշխանության տապալումից հետո, Լիբիայում իրավիճակը չի կարգավորվում թե' քաղաքական,  թե' անվտանգության տեսանկյունից: