ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ:  Ֆուտբոլի Հայաստանի ազգային հավաքականը նահանջել է ՖԻՖԱ-ի դասակարգման աղյուսակում:

Նոր վարկանիշային աղյուսակում Հայաստանի հավաքականը  556 միավորով 52-րդ հորիզոնականում է: Ազգային թիմը նախորդ ամսվա համեմատ նահանջել է 16 հորիզոնականով: Մրցաշարային աղյուսակի առաջատարը աշխարհի գործáղ չեմպիոն Գերմանիայի ազգային թիմն է: Լավագույն տասնյակի մեջ մտել են նաև Արգենտինայի, Կոլումբիայի, Նիդեռլանդների, Բելգիայի, Բրազիլիայի, Ուրուգվայի, Իսպանիայի, Ֆրանսիայի և Շվեյցարիայի հավաքականները:

«Արմենպրես»-ի հաղորդմամբ, այս մասին տեղեկացնում է ՖԻՖԱ-ի պաշտոնական կայքը: