Քաղաքացին զինամթերք է թողել Ղուկասավան գյուղի կահույքի արտադրամասի մոտ

13:57, 29 Օգոստոս, 2014

ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Ոստիկանության ԿՀԴՊ ԳՎ ԹԱՇԴՊՎ, Արարատի մարզային վարչության և Մասիսի բաժնի ծառայողների բացատրական աշխատանքների շնորհիվ, մի քաղաքացի զանգահարել է ոստիկանություն և հայտնել, որ Ղուկասավան գյուղի 13-րդ փողոցում գտնվող չգործող կահույքի արտադրամասի պատի տակ զինամթերք է թողել: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, մեկնած օպերատիվ խումբը նշված վայրից հայտնաբերել է «Ֆ-1» տիպի 2 նռնակ` առանց պայթուցիչի, 4 պայթուցիչ, 7.62 մմ տրամաչափի` 30, 5.45 մմ տրամաչափի 3 և տարբեր տրամաչափի 4 փամփուշտ: Հայտնաբերվածն ուղարկվել է փորձաքննության: Նախապատրաստվում են նյութեր:


© 2009 ARMENPRESS.am