ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Ոստիկանության Իջևանի բաժնի ծառայողները մի քրեական գործի շրջանակներում խուզարկություն են կատարել Այգեհովիտ գյուղի բնակիչներից մեկի տանը կից օժանդակ շինությունում: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, խուզարկությամբ հայտնաբերվել և առգրավվել է «ՌԴԳ-2 X» տիպի ձեռքի ծխացող նռնակ: Առգրավվածն ուղարկվել է փորձաքննության: Կատարվում է նախաքննություն: