ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Հայաստանը պետք է փորձի իր ապրանքները արտահանել Ռուսաստանի Դաշնություն: Այսօր ՀՀԿ գործադիր մարմնի նիստից առաջ պատասխանելով լրագրողների հարցերին՝ այս մասին նշեց ՀՀ վարչապետ Հովիկ Աբրահամյանը: Ինչպես տեղեկացնում է «Արմենպրես»-ը` վկարակոչելով tert.am-ը, վարչապետը նաև հայտնել է, որ մի քանի օր առաջ ինքը հանդիպել է բոլոր գործարարների հետ:

«Մենք պայմանավորվել ենք, որ քանի որ այսօր ռուսական շուկան ազատվել է եվրոպական երկրներից, մենք փորձենք մեր ապրանքներն արտահանել Ռուսաստանի Դաշնություն: Ես ասել եմ բոլոր գործարարներին, որ Կառավարությունը պատրաստ է աջակցել և ֆինանսական ռեսուրսներ տրամադրել, ինչպես նաև՝ օժանդակել կազմակերպչական բոլոր հարցերում: Սա է եղել մեր հավաքի նպատակը»,- ընդգծեց Հովիկ Աբրահամյանը: