ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Իտալացի մասնագետ Ֆաբիո Կապելոն, ըստ ամենայնի, կշարունակի մնալ ֆուտբոլի Ռուսաստանի հավաքականի գլխավոր մարզիչը եւ այս թիմը կնախապատրաստի 2018 թվականին Ռուսաստանում կայանալիք ֆուտբոլի աշխարհի առաջնությանը: Այս մասին տեղեկացնում Է «Արմենպրես»-ը, վկայակոչելով gazeta.ru կայքը:

Թեեւ Ռուսաստանի ֆուտբոլի միությունը՝ ՌՖՄ-ն իր նիստին  ֆուտբոլի աշխարհի առաջնությունում այս երկրի հավաքականի ելույթը անբավարար Է համարել, բայց Կապելոյին հնարավորություն կտան շարունակել աշխատել ռուսական թիմի հետ` հաշվի առնելով նրա արդեն ձեռք բերած փորձը:

Իսկ ՌՖՄ-ի նախագահ Նիկոլայ Տոլստիխը ասել Է, որ հավաքականի գլխավոր մարզչի պաշտոնից Կապելոյի հրաժարականի հարցը ընդհանրապես չի քննարկվել: