Մաքսային Միությունը եւ Իսրայելը կարող են ստեղծել ազատ առեւտրի գոտի
15:16, 18 Մարտ, 2014ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: Մաքսային Միությունը եւ Իսրայելը գործարկել են ազատ առեւտրի գոտու ստեղծման հեռանկարների ուսումնասիրման համատեղ հետազոտական խմբի աշխատանքը, հաղորդում Է «Արմենպրես»-ը՝ հղում անելով Եվրասիական տնտեսական հանձնաժողովին (ԵՏՀ):
Համատեղ խումբը բաղկացած Է Եվրասիական տնտեսական հանձնաժողովի, Մաքսային միության երկրների եւ Իսրայելի նախարարությունների ու գերատեսչությունների փորձագետներից:
Եվրասիական տնտեսական հանձնաժողովի առեւտրի նախարար Անդրեյ Սլեպնյովի խոսքով՝ «հետազոտական խմբի խնդիրը երկրների միջեւ ազատ առեւտրի գոտու ստեղծման հեռանկարների գլոբալ համակարգային վերլուծություն կատարելն Է»: «Խումբը պետք Է որոշի, թե այդ համաձայնագիրն ինչ հարցեր կարող Է ընդգրկել, եւ նշի հնարավոր մոտեցումները կոնկրետ բնագավառների զգայուն հարցերի փոխշահավետ կարգավորման նկատմամբ»,-նշել Է Սլեպնյովը:
Ինչպես նշում Է ԻՏԱՌ-ՏԱՍՍ-ը, իրենց աշխատանքի արդյունքում փորձագետները կներկայացնեն հատուկ հաշվետվություն եւ հանձնարարականներ, որոնց հիման վրա կարող Է որոշում ընդունվել ազատ առեւտրի գոտու շուրջ Մաքսային միության երկրների եւ Իսրայելի միջեւ բանակցություններ սկսելու վերաբերյալ: