«Արսենալ»-ը հաղթեց «Ռեն»-ին և Եվրոպայի լիգայի քառորդ եզրափակիչում է
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Լոնդոնի «Արսենալ»-ը Եվրոպայի լիգայի 1/8 եզրափակիչի պատասխան խաղով հյուրընկալեց «Ռեն»-ին և խոշոր հաշվով առավելության հասավ մրցակցի նկատմամբ (3:0):
«Արմենպրես»-ի հաղորդմամբ՝ «զինագործները» հանդիպման մեկնարկից ընդամենը 5 րոպե անց առաջ անցան հաշվի մեջ: Աչքի ընկավ Պիեռ-Էմերիկ Օբամեյանգը: Հանդիպման 15-րդ րոպեին «Արսենալ»-ից Մայթլենդ-Նայլսի գնդակը կրկնապատկեց հաշվի տարբերությունը:
Առաջին կեսում գնդակին տիրելու առավելությունն ըստ վիճակագրության «Արսենալ»-ի կողմն էր: Երկրորդ կեսում կրկին առավելություն ուներ «Արսենալ»-ը, բայց թիմը առավելությունը գոլի վերածեց միայն 72-րդ րոպեին, երբ Պիեռ-Էմերիկ Օբամեյանգը դուբլ ձևակերպեց:
Երկու խաղի ընդհանուր 4:3 հաշվով Եվրոպայի լիգայի քառորդ եզրափակիչ դուրս եկավ «Արսենալ»-ը:
Հայաստանի ազգային թիմի ավագ Հենրիխ Մխիթարյանը մեկնարկային կազմում չէր, սակայն փոխարինման դուրս եկավ 69-րդ րոպեին:
Եվրոպայի լիգայի քառորդ եզրափակիչի վիճակահանությունը կկայանա մարտի 15-ին:
Բաժանորդագրվեք մեր ալիքին Telegram-ում