Ֆեդերերը Ինդիան-Ուելսի մրցաշարի երրորդ փուլում է
11:17, 11 Մարտ 2019
ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Շվեյցարացի թենիսիստ Ռոջեր Ֆեդերերը դուրս է եկել Ինդիան-Ուելսի մրցաշարի երրորդ շրջան:
«Արմենպրես»-ի հաղորդմամբ` մրցաշարի երկրորդ փուլում Ֆեդերերը 1 ժամ 17 րոպե ձգված մրցախաղի երկու սեթում` 6:1, 7:5 հաշվով հաղթեց Գերմանիան ներկայացնող Պետեր Գյովչիկին:
Ինդիան-Ուելսի թենիսի մրցաշարն անցկացվում է 44-րդ անգամ: Տղամարդկանց մենախաղում գործող չեմպիոնն Օլիմպիական խաղերի արծաթե մեդալակիր արգենտինացի Խուան Մարտին դել Պոտրոն է, իսկ կանանցը` ճապոնուհի Նաոմի Օսական: Ինդիան-Ուելսի մրցաշարը դասվում է «Masters 100» մրցաշարերի շարքին: Այն կեզրափակվի մարտի 17-ին: Մրցաշարի մրցանակային ֆոնդը կազմում է 9 միլիոն ԱՄՆ դոլար:
Բաժանորդագրվեք մեր ալիքին Telegram-ում