Հրանտ Մելքումյանը երկրորդ անընդմեջ հաղթանակ է տոնել Ջիբրալթարում
09:35, 24 Հունվար 2019
ԵՐԵՎԱՆ, 24 ՀՈՒՒՆՎԱՐԻ, ԱՐՄԵՆՊՐԵՍ: Հայկական շախմատի առաջատար Լևոն Արոնյանը և Հրանտ Մելքումյանը շարունակում են ելույթները Ջիբրալթարի միջազգային մրցաշարում:
«Արմենպրես»-ի հաղորդմամբ` մրցաշարի երկրորդ տուրում Արոնյանի մրցակիցը Ուկրաինայի ներկայացուցիչ Մարիա Մուզիչուկն էր: Պարտիայի 44-րդ քայլին գրոսմայստերները համաձայնեցին կիսել միավորը:
Հայաստանի մյուս ներկայացուցիչ Հրանտ Մելքումյանը տարավ իր երկրորդ անընդմեջ հաղթանակը: Այս անգամ հայ գրոսմայստերը հաղթեց Քրիստիան Ռեբկային:
Էլինա Դանիելյանը ևս հաղթանակ է տոնել:
Ջիբրալթարի միջազգային մրցաշարին մասնակցում է 250 շախմատիստ: Մրցանակային ֆոնդը կազմում է 25 000 եվրո: Այն կտևի հունվարի 22-31-ը:
Բաժանորդագրվեք մեր ալիքին Telegram-ում