Հայտնի է Թուրքիայի և Ուկրաինայի նախագահների հանդիպման օրը
16:01, 27 Հոկտեմբեր 2018
ԵՐԵՎԱՆ: 27 ՀՈԿՏԵՄԲԵՐ: ԱՐՄԵՆՊՐԵՍ: Ուկրաինայի նախագահ Պյոտր Պորոշենկոն նոյեմբերի 3-ին պաշտոնական այցով կժամանի Թուրքիա: Այս մասին «Արմենպրես»-ը տեղեկանում է Anadolu լրատվական գործակալությունից:
Պորոշենկոն Թուրքիայի նախագահ Ռեջեփ Թայիփ Էրդողանի հետ Անկարայում մասնակցելու է բարձր մակարդակի ռազմավարական համագործակցության խորհրդի յոթերորդ հանդիպմանը: Քննարկվելու են քաղաքական, տնտեսական, պաշտպանության ոլորտի համագործակցության և այլ թեմաների վերաբերյալ հարցեր:
Էրդողանի և Պորոշենկոյի վերջին հանդիպումը տեղի է ունեցել անցյալ ամիս Նյու Յորքում` ՄԱԿ-ի Գլխավոր ասամբլեայի շրջանակներում:
Բաժանորդագրվեք մեր ալիքին Telegram-ում