ՆԱՏՕ-ն վերահաստատել է աջակցությունը ղարաբաղյան հակամարտության խաղաղ կարգավորմանը
11:46, 20 Սեպտեմբեր 2018
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Հյուսիսատլանտյան դաշինքը վերահաստատում է իր աջակցությունը ղարաբաղյան հակամարտության խաղաղ կարգավորմանը: Ինչպես հայտնում է «Արմենպրես»-ը՝ վկայակոչելով ադրբեջանական լրատվամիջոցները, այս մասին Բաքվում լրագրողներին ասել է ՆԱՏՕ-ի գլխավոր քարտուղարի տեղակալ Ռոուզ Գոթեմյոլերը (Rose Gottemoeller):
«ՆԱՏՕ-ն իր աջակցությունն է հայտնում ԵԱՀԿ Մինսկի խմբի աշխատանքին և հակամարտության խաղաղ լուծմանն ուղղված հակամարտության կողմերի ջանքերին»,- ասել է նա:
Բաժանորդագրվեք մեր ալիքին Telegram-ում