ԱՄՆ-ն Սիրիային հարվածելու համար Պարսից ծոց է ուղարկել էսկադրային ականակիր. ռուսական լրատվամիջոցներ
13:16, 25 Օգոստոս 2018
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Օրեր առաջ Պարսից ծոց է ժամանել ամերիկյան The Sullivans էսկադրային ականակիրը՝ համալրված 56 թևավոր հրթիռներով, իսկ Քաթարի «Էլ Ուդեյդ» ավիաբազայում էլ վերատեղակայվել է В-1В ռազմավարական ռմբարկուն՝ զինված 24 թևավոր հրթիռներով։ Ինչպես տեղեկացնում է «Արմենպրես»-ը, վկայակոչելով ՌԻԱ Նովոստի»-ն, այս մասին հայտնել է Ռուսաստանի Դաշնության պաշտոնական ներկայացուցիչ գեներալ-մայոր Իգոր Կոնաշենկովը:
Ըստ գեներալ-մայորի` դա արվում է Սիրիայի ուղղությամբ հարված հասցնելու համար:
Բաժանորդագրվեք մեր ալիքին Telegram-ում