Կալիֆորնիայի հայ համայնքը հարգանքի տուրք կմատուցի Հայոց ցեղասպանության զոհերի հիշատակին
19:32, 16 Մարտ 2017
ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Հայոց ցեղասպանության 102-րդ տարելիցի կապակցությամբ Հարավային Կալիֆորնիայի հայ համայնքն ապրիլի 23-ին կհավաքվի Մոնթեբելոյում՝ Հայոց ցեղասպանության զոհերի հիշատակին նվիրված հուշարձանի մոտ:
«Արմենպրես»-ի հաղորդմամբ` վկայակոչելով Asbarez-ը, միջոցառումն այս տարի տեղի կունենա ապրիլի 23-ին, քանի որ ապրիլի 24-ին նախատեսվել է անցկացնել Արդարության երթ: Ցուցարարները կանցնեն Լոս Անջելեսի փողոցներով՝ դեպի Թուրքիայի հյուպատոսություն: Միջոցառումը կազմակերպում է Լոս Անջելեսի միավորված հայկական խորհուրդը:
Բաժանորդագրվեք մեր ալիքին Telegram-ում