Կիմ Չեն Նամին թունավորած կանանց մահապատիժ Է սպառնում
16:01, 28 Փետրվար 2017
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Մալայզիայի դատախազությունը որոշել Է Հյուսիսային Կորեայի առաջնորդի եղբոր՝ Կիմ Չեն Նամի սպանության մեղադրանքներ առաջադրել այն երկու կանանց, որոնք ավելի վաղ ձերբակալվել Էին այդ գործով:
Եթե դատարանը ճանաչի նրանց մեղքը, ապա կանանց մահապատիժ Է սպասում, հայտնել Է երկրի գլխավոր դատախազ Մոհամեդ Ափանդի Ալին, տեղեկացնում Է «Արմենպրես»-ը՝ հղում անելով BBC-ին:
Հետաքննության համաձայն՝ կանանց մեղադրում են այն բանում, որ նրանք Մալայզիայի օդանավակայանում VX թունավոր նյութ են փոշեցրել Կիմ Չեն Նամի դեմքին: Այդ քիմիկատը խիստ նյարդակաթվածահարական ազդեցություն ունի:
Սպանության տեսագրության մեջ, որը հայտնվել Է զանգվածային լրատվամիջոցներում, երեւում Է, թե ինչպես են բաց գույնի պիջակով եւ ջինսով տղամարդուն մոտենում երկու կանայք եւ ինչ-որ բան նետում նրա դեմքին: Այնուհետեւ տղամարդը մոտենում Է օդանավակայանի աշխատակիցներին, ինչից հետո նա վատանում Է:
Հավելենք, որ Մալայզիայի իշխանությունները Կիմ Չեն Նամի սպանությանը մասնակցության մեջ կասկածում են տասը մարդու, ներառյալ Քուալա Լումպուրում Հյուսիսային Կորեայի դեսպանության բարձրաստիճան մի աշխատակցի: Հարավային Կորեայում կարծում են, որ կասկածյալներից առնվազն չորսը հյուսիկորեական լրտեսներ են:
Բաժանորդագրվեք մեր ալիքին Telegram-ում