Կուբայական սիգարների վաճառքներն աճել են մինչեւ կես միլիարդ դոլար
15:58, 28 Փետրվար 2017
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: 2016 թվականին աշխարհում կուբայական սիգարների վաճառքներն աճել են հինգ տոկոսով՝ մինչեւ 445 միլիոն դոլար՝ չնայած պրեմիում-դասի ապրանքների շուկայի լճացմանը: Ինչպես տեղեկացնում Է «Արմենպրես»-ը, փետրվարի 28-ին այս մասին հաղորդել Է Reuters-ը:
Այս տարի Հավանայում գտնվող Habanos կուբայական սիգարների արտահանող ընկերությունն ակնկալում Է վաճառքների չափավոր աճ եւ նպատակ ունի ծավալվել Մերձավոր Արեւելքի եւ Ասիայի շուկաներում, հայտնել Է կորպորացիայի փոխնախագահ Խավիեր Տերեսը:
Կուբայի եւ ԱՄՆ-ի միջեւ հարաբերությունների նորմալացումը զգալի ազդեցություն չի գործել Habanos-ի ապրանքների շրջանառության վրա, նշել Է Տերեսը: Այնուամենայնիվ ամերիկացի զբոսաշրջիկների աճած հոսքը մեծացրել Է կղզում սիգարների վաճառքները:
Habanos-ի բաժնետոմսերի կեսը պատկանում Է Կուբայի կառավարությանը, ընկերության առեւտրանիշերի թվում են Cohiba-ն, Monteсristo-ն եւ Romeo y Julieta-ն:
Բաժանորդագրվեք մեր ալիքին Telegram-ում