1000х90.jpg (78 KB)

Երևանում՝ 11:07,   29 Մարտ 2024

Խուստուփը հայ արշավականների ամենասիրելի լեռն է

Խուստուփը հայ արշավականների ամենասիրելի լեռն է

ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Հայ լեռնագնացները, արշավականները Հայաստանի ամենագեղեցիկ գագաթ են համարում Խուստուփը:

«Արմենպրես»-ի հաղորդմամբ` «Armenian Geographic» ֆեյսբուքյան խմբում անցկացրած հարցման արդյունքում պարզվել է, որ Հայաստանի արշավասերները ամենագեղեցիկ գագաթը համարում են Խուստուփը:

« Խուստուփը հայերին առաջին հերթին գրավում է որպես Նժդեհի լեռ: Գարեգին Նժդեհի կյանքի որոշ դրվագներ կապված են այս լեռան հետ, նրան անվանում են Խուստուփի արծիվ: Նժդեհի ցանկությունն է եղել, որ իր աճյունը թաղեն Խուստուփի վրա, որպեսզի մահից հետո էլ իր հոգին հսկի Սյունյաց լեռները: Սա լեռան պատմության դրվագներից մեկն է, որը գերում է արշավականներին և կանչում դեպի Խուստուփ»,-«Արմենպրես»-ի հետ զրույցում ասաց Հայկական աշխարհագրական նախագծի ղեկավար Տիգրան Շահբազյանը:


Վերջինիս խոսքով` գագաթը ժայռոտ է ի տարբերություն Հայաստանի շատ լեռների, հենց այդ ժայռոտ գագաթն ու գագաթից բացվող տեսարաններն են այդպես տպավորվում մարդկանց մեջ:

«Հայաստանում վերջին տարիներին նկատվում է հետաքրքրություն դեպի լեռնագնացությունը: Դա պայմանավորված է առաջին հերթին ինֆորմացիայի հասանելիությամբ: Մարդիկ սոցցանցերում տեսնում են նկարներ, կարդում են տեղեկություններ և իրենք էլ են ուզում սեփական մաշկի վրա զգալ լեռնագնացության փորձություններն ու հաճույքը: Հայկական աշխարհագրական նախագիծը վերջին տարիներին ակտիվորեն լեռնային վերելքներ է իրականացնում: Այժմ իրականացվում է «Մերն է» լեռնային նախագիծը, որի նպատակն է բարձրանալ Հայաստանի բոլոր լեռնաշղթաների ամենաբարձր գագաթները: Վերելքներից հետո տեղեկությունները տեղադրվում են armgeo.am կայքում»,-ասաց Շահբազյանը:

«Armenian Geographic» գրեթե ամեն հանգստյան օր կազմակերպում արշավներ դեպի Հայաստանի հերթական տեսարժան վայրը:

Խուստուփը Սյունիքի մարզի արևելյան մասում է, Կապան քաղաքից 10 կմ հարավ-արևմուտք: Բարձրությունը 3201 մետր է։

Լուսանկարները՝ Armenian Geographic-ի

Վառվառա Հայրապետյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]