Դամասկոսի արվարձանում պայթյունից ութ զոհվածների թվում գեներալ կա. «Ալ Արաբիա»
11:29, 18 Հունվար 2017
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Անցած գիշեր ուժգին պայթյուն Է որոտացել Սիրիայի մայրաքաղաք Դամասկոսի Խարաստա արվարձանում: Ինչպես տեղեկացնում Է «Արմենպրես»-ը, հղում անելով «Ալ Արաբիա» հեռուստաալիքին, ահաբեկիչները պայթանյութ Էին տեղադրել ռազմաօդային ուժերի հետախուզության շենքերից մեկի մերձակայքում:
Նախնական տեղեկատվության համաձայն, զոհվել Է ութ զինծառայող, այդ թվում՝ բրիգադի գեներալ, որի անունը չի նշվում:
Ըստ «Ալ Արաբիա»-ի տեղեկությունների, գրոհը ձեռնարկել են «Ֆաջր Ումմա» խմբավորման զինյալները, որոնք չեն պահպանում զինադադարի վերաբերյալ համաձայնագիրը, հաղորդել Է ՏԱՍՍ գործակալությունը:
Բաժանորդագրվեք մեր ալիքին Telegram-ում