Հայտնի են Չեմպիոնների լիգայի փլեյ-օֆի մասնակից բոլոր թիմերի անունները
02:34, 8 Դեկտեմբեր 2016
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Հայտնի են Չեմպիոնների լիգայի խմբային փուլի արգելքը հաղթահարած բոլոր թիմերի անունները: «Արմենպրես»-ի հաղորդմամբ` հին աշխարհամասի ամենահեղինակավոր ակումբային մրցաշարի 1/8 եզրափակչում կմրցեն հետևյալ թիմերը` «Արսենալ»,«Լեսթեր Սիթի», «Բարսելոնա»,«Աթլետիկո», «Յուվենտուս», «Նապոլի», «Մոնակո», «Բորուսիա», «Ռեալ», «Սեւիլիա», ՊՍԺ-ն, «Բենֆիկա», «Պորտուն», «Մանչեսթեր Սիթի», «Բավարիա» և «Բայեր»:
Չեմպիոնների լիգայի 1/8 եզրափակչի վիճակահանությունը կկայանա դեկտեմբերի 12-ին, իսկ առաջին հանդիպումները կկայանան 2017 թվականի փետրվարի 14-ին և 15-ին:
Բաժանորդագրվեք մեր ալիքին Telegram-ում