ԻՊ-ն Սիրիայի հյուսիսում հարձակվել է թուրք զինվորների վրա
14:25, 7 Դեկտեմբեր 2016
ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: «Իսլամական պետություն» խմբավորման ներկայացուցիչները սիրիական էլ-Բաբ քաղաքի շրջանում հարձակում են իրականացրել թուրքական զինված ուժերի ներկայացուցիչների վրա: Ինչպես հաղորդում է «Արմենպրես»-ը, այս մասին տեղեկացնում է թուրքական «Հուրիեթ» պարբերականը:
Հարձակման հետևանքով սպանվել է «Եփրատի վահան» գործողությունն իրականացնող մեկ թուրք զինվոր, վեցը վիրավորվել են: ԻՊ-ն հարձակումն իրականացրել է պայթուցիկով բեռնավորված մեքենայով:
Թուրքական կողմը հայտարարել է, որ սպանվել է ԻՊ 23 մարտիկ:
Ավելի վաղ թուրքական զինուժը հայտնել էր, որ ռազմական ինքնաթիռները էլ-Բաբում հարվածներ են հասցրել «Իսլամական պետություն» խմբավորման դիրքերին:
Բաժանորդագրվեք մեր ալիքին Telegram-ում