ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Գերմանական «Կոնրադ Ադենաուեր» հիմնադրամի հրավերով Հայաստանի Հանրապետական կուսակցության պատվիրակությունը ի դեմս ՀՀԿ փոխնախագահ Արմեն Աշոտյանի և ՀՀԿ ԳՄ անդամ, ԱԺ պատգամավոր Կարեն Ավագյանի, մեկնել է Բեռլին, որտեղ դեկտեմբերի 7-9-ը կքննարկվի հետագա համագործակցության զարգացման տեսլականը։ Այս մասին «Արմենպրես»-ին տեղեկացրին ՀՀԿ գրասենյակից:

Նախատեսված են հանդիպումներ Գերմանիայի դաշնային կառավարության  և Գերմանիայի արտաքին գործերի նախարարության ներկայացուցիչների  հետ։

«Կոնրադ Ադենաուեր» հիմնադրամի հետ կքննարկվի համատեղ  քաղաքական և կրթական ծրագրերի օրակարգը, մասնավորապես` գերմանական կողմի աջակցությունը ՀՀԿ Անդրանիկ Մարգարյանի անվան քաղաքական դպրոցի ուսումնական ծրագրերին և զարգացմանը։