Ավելի քան 34 հազար սիրիացի վերադարձել է հարազատ բնակավայր
19:18, 28 Հոկտեմբեր 2016
ԵՐԵՎԱՆ, 28 ՀՈԿՏԵՄԲԵևՐԻ, ԱՐՄԵՆՊՐԵՍ: Սիրիայի ավելի քան 34 հազար բնակիչներ վերադարձել են իրենց բնակավայրեր. փախստականների` վերադառնալու տենդենցը շարունակվում է: Այդ մասին հայտարարել է ՌԴ զինված ուժերի գլխավոր շտաբի գլխավոր օպերատիվ վարչության պետ, գեներալ-լեյտենանտ Սերգեյ Ռուդսկոյը:
«Հրադադարի համաձայնագիր ստորագրած բնակավայրերում ապրում է ավելի քան երկու միլիոն մարդ: Ավելի քան 34 հազարն արդեն վերադարձել է իրենց բնակավայր, և փախստականների` վերադառնալու տենդենցը շարունակվում է»,- ինչպես փոխանցում է «Արմենպրես»-ը, վկայակոչելով «Ռիա-նովոստի»-ն, ասել է Ռուդսկոյը:
Ավելի վաղ տեղեկացվել էր, որ հրադադարի համաձայնագրին միացած բնակավայրերի թիվը հասել է 850-ի:
Լուսանկարը` РИА Новости
Բաժանորդագրվեք մեր ալիքին Telegram-ում