Հարկադիր կատարման ծառայությունում մեկնարկել է ատեստավորման գործընթացը
12:59, 24 Հոկտեմբեր 2016
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Հարկադիր կատարման ծառայությունում հոկտեմբերի 24-ին մեկնարկել է գլխավոր և առաջատար խմբերի պաշտոններ զբաղեցնող հարկադիր կատարողների ատեստավորումը: Այս մասին «Արմենպրես»-ին տեղեկացրին ՀՀ ԱՆ ԴԱՀԿ ապահովող Ծառայության Միջազգային հարաբերությունների և հասարակայնության հետ կապերի բաժնից:
Ատեստավորմանն ընդհանուր առմամբ մասնակցում է թվով 88 հարկադիր կատարող:
Ատեստավորումն անցկացվում է համաձայն «Դատական ակտերի հարկադիր կատարումն ապահովող ծառայության մասին» ՀՀ օրենքի, ըստ որի՝ յուրաքանչյուր տարի հարկադիր կատարողների առնվազն մեկ երրորդը ենթակա է պարտադիր ատեստավորման:
Բաժանորդագրվեք մեր ալիքին Telegram-ում