ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Ֆրանսիայի իշխանությունները հոկտեմբերի 24-ի առավոտյան անօրինական ներգաղթյալների տարհանմանն են ձեռնամուխ եղել Կալե նավահանգստային քաղաքում «Ջունգլի» ճամբարի լիակատար վերացման շրջանակներում, որը կշարունակվի մինչեւ շաբաթվա վերջը: Այդ մասին, ինչպես տեղեկացնում Է «Արմենպրես»-ը, հայտնել Է BFM TV-ն:

Տեղի իշխանությունները շուրջ 60 ավտոբուս են ուղարկել ճամբար, որոնք պետք Է միգրանտներին փոխադրեն տեղավորման հատուկ պատրաստված ֆրանսիական կենտրոններ:

Սպասվում Է, որ ընդամենը 6-8 հազար ներգաղթյալներ կբաշխվեն Ֆրանսիայի ամբողջ տարածքի 450-ից ավելի ճամբարներում:

Կալեի փախստականների ճամբարը դարձել Էր անօրինական միգրանտների հավաքատեղի, որոնք փորձում են Ֆրանսիայի տարածքով հասնել Մեծ Բրիտանիա, հաղորդել Է «Ինտերֆաքս» գործակալությունը: