Կարեն Գրիգորյանը հաղթել և ոչ-ոքի է խաղացել շախմատի Սերբիայի ակումբային առաջնությունում
ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Սերբիայում շարունակվում է այդ երկրի շախմատի ակումբային առաջնությունը, որին մասնակցում են 12 ակումբ: Առաջնությանը մասնակցող գրոսմայստեր Կարեն Գրիգորյանը հանդես է գալիս «Նաֆտագաս>> թիմի կազմում: Մրցաշարի երկրորդ տուրում Գրիգորյանի «Նաֆտագաս» ակումբը 4,5-1,5 հաշվով հաղթել է «Մեթալաչ» թիմին, իսկ Գրիգորյանը առաջին խաղատախտակի վրա առավելության է հասել Կիրիլ Գեորգիևի նկատմամբ: Երրորդ տուրում Կարեն Գրիգորյանի թիմը պարտվել է «Յուգովից» ակումբին, իսկ Գրիգորյանը ոչ-ոքի է խաղացել Պրեդրագ Նիկոլիչի հետ:
Ինչպես «Արմենպրես»-ը տեղեկացավ Հայաստանի շախմատի ֆեդերացիայի պաշտոնական կայքից, երեք տուրից հետո աղյուսակը գլխավորում են «Սվետի Նիկոլայ» և «Իթակա» ակումբները, իսկ «Նաֆտագասն» ընթանում է 9-րդ հորիզոնականում:
Բաժանորդագրվեք մեր ալիքին Telegram-ում