Երկրի վրա 30 տարում ցամաքի մակերեսը մեծացել Է 58 հազար քառակուսի կիլոմետրով
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Վերջին 30 տարում Երկրի վրա ցամաքի մակերսը 58 հազար քառակուսի կիլոմետրով մեծացել Է: Դա, ինչպես տեղեկացնում Է «Արմենպրես»-ը՝ հղում անելով BBC-ին, հաշվարկել են Նիդեռլանդների Դելտարեսի (Deltares) ինստիտուտի գիտնականները:
Մի շարք, այդ թվում ափամերձ տարածքների արհեստական ցամաքեցումն ավելի նշանակալի գործոն Է եղել, քան սառցադաշտերի հալումը եւ պատնեշների կառուցումը, ասված Է հետազոտության մեջ, որը հրապարակվել Է Nature Climate Change հանդեսում:
Ընդհանուր առմամբ երեք տասնամյակում ջրի տակ Է հայտնվել 115 հազար քառակուսի կիլոմետր ցամաք, ըստ որում ցամաքեցվել Է շուրջ 173 հազար քառակուսի կիլոմետր ջրային մակերես:
Նիդեռլանդցի գիտնականները վերլուծել են NASA-ի արբանյակների նկարահանումները: Նրանց եզրակացությունների համաձայն՝ ամենաընդգրկուն բնական ջրավորման օրինակ Է դարձել Տիբեթի բարձրավանդակը, որտեղ սառցադաշտերի հալման պատճառով առաջացել են նոր վիթխարի լճեր:
Բաժանորդագրվեք մեր ալիքին Telegram-ում