Երևանում՝ 11:07,   19 Ապրիլ 2024

4,2 մագնիտուդով նոր երկրաշարժ է տեղի ունեցել Իտալիայի կենտրոնական մասում

4,2 մագնիտուդով նոր երկրաշարժ է տեղի ունեցել Իտալիայի կենտրոնական մասում

ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: 4,2 մագնիտուդով նոր երկրաշարժ է տեղի ունեցել Իտալիայի կենտրոնական մասում: Այդ մասին, ինչպես տեղեկացնում է «Արմենպրես»-ը, հայտնել է Եվրոպա-միջերկրածովյան սեյսմոլոգիական կենտրոնը:

Ստորգետնյա ցնցումների էպիկենտրոնը գտնվում էր Հռոմից 123 կիլոմետր հյուսիս-արեւելք եւ Ակվիլա քաղաքից 55 կիլոմետր հյուսիս ընկած շրջանում: Օջախը 2 կիլոմետր խորության վրա է:

Այդ երկրաշարժի հնարավոր հետեւանքների վերաբերյալ տեղեկատվություն առայժմ չկա: Այսօր ավելի վաղ այդ գոտում 4,0 մագնիտուդով երկրաշարժ էր գրանցվել:

Ինչպես արդեն հաղորդվել Է, Իտալիայում 6,0 մագնիտուդով երկրաշարժ Է տեղի ունեցել լույս օգոստոսի 24-ի գիշերը: Առաջին ցնցումը գրանցվել է տեղական ժամանակով ժամը 03:36-ին (Երեւանի ժամանակով՝ 05:36-ին), դրան հաջորդել է եւս մեկը՝ ավելի փոքր ուժգնությամբ: Էպիկենտրոնը գտնվում էր Հռոմից 113 կիլոմետր հյուսիս-արեւելք ընկած շրջանում: Օջախը, ըստ տարբեր տվյալների, 4-ից մինչեւ 10 կիլոմետր խորության վրա էր:

Օգոստոսի 24-ի ցերեկը Արկվատա դել Տրոնտոյում տեղի է ունեցել 4,9 մագնիտուդով հետցնցում, որի հետեւանքով փլվել են եւս մի քանի շենքեր:

Ստորգետնյա ցնցումների հետեւանքով առավել մեծ ավերածություններ են եղել Ամատրիչե, Ակումոլի եւ Պեսկարա դել Տրոնտո բնակավայրերում: Դրանց մերձակայքում իշխանությունները վրանային ավաններ են ծավալել անօթեւան մնացածների համար:

Ավելի վաղ աղետի գոտի է այցելել Իտալիայի վարչապետ Մատեո Ռենցին, որը խոստացել է օգնություն ցուցաբերել տուժած բնակավայրերին, հաղորդել Է ՏԱՍՍ-ը:

Լուսանկարը` REUTERS


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]