«Արարատ», «Փյունիկ», «Սիս Կլիլիկիա» ակումբները տուգանվել են 25 հազարական դրամով
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Հայաստանի ֆուտբոլի ֆեդերացիայի կարգապահական կոմիտեի հերթական նիստը վարել է կոմիտեի նախագահ Ռուբեն Սինոյանը:
Ինչպես «Արմենպրես»-ը տեղեկացավ ֆուտբոլի ֆեդերացայի լրատվության բաժնից, քննարակվել են «Արարատ», «Փյունիկ», «Սիս Կլիլիկիա» ակումբների գործադիր տնօրենների գրությունները: Հայաստանի ֆուտբոլի ֆեդերացիայի կարգապահական կոմիտեն կայացրել է հետևյալ որոշումները.
«Փյունիկ 1-01» թիմին մինչև 16 տարեկանների առաջնությունից հանելու համար, ՀՖՖ-ի կարգապահական կանոնագրքի 18-րդ հոդվածի 1-րդ կետի համաձայն` «Փյունիկ» ֆուտբոլային ակումբին տուգանել 25000 դրամով:
«Արարատ-99» թիմին մինչև 18 տարեկանների առաջնությունից հանելու համար, ՀՖՖ-ի կարգապահական կանոնագրքի 18-րդ հոդվածի 1-րդ կետի համաձայն` «Արարատ» ֆուտբոլային ակումբին տուգանել 25000 դրամով:
«Սիս-Կիլիկիա-99» թիմին մինչև 18 տարեկանների առաջնությունից հանելու համար, ՀՖՖ-ի կարգապահական կանոնագրքի 18-րդ հոդվածի 1-րդ կետի համաձայն` «Սիս- Կիլիկիա» ֆուտբոլային ակումբին տուգանել 25000 դրամով:
Բաժանորդագրվեք մեր ալիքին Telegram-ում