Ալենիչևը կշարունակի աշխատանքը «Սպարտակ»-ի գլխավոր մարզչի պաշտոնում
19:34, 31 Մայիս 2016
ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Մոսկվայի «Սպարտակ»-ի գլխավոր տնօրեն Սերգեյ Ռոդիոնովը հայտարարել է, որ Դմիտրի Ալենիչևը կշարունակի թիմում աշխատանքը գլխավոր մարզչի պաշտոնում: «Ալենիչևը շարունակում է աշխատանքը պայմանագրին համապատասխան: Մանրամասներ չեմ հայտնի: Դրանք ներքին հարցեր են»,- «Արմենպրես»-ի փոխանցմամբ` Ռոդիոնովի խոսքերն է մեջբերել championat.com-ը:
Մրցաշրջանի արդյունքներով «Սպարտակ»-ը Պրեմիեր լիգայում զբաղեցրել է 5-րդ տեղը: Այդ արդյունքը թույլ է տվել թիմին հանդես գալու Եվրոպայի լիգայի խաղարկությունում:
Ավելի վաղ տեղեկացվել էր, որ «Սպարտակ»-ի գլխավոր մարզչի պաշտոնում Ալենիչևին հնարավոր է փոխարինի «Ռոստով»-ի գլխավոր մարզիչ Կուրբան Բերդիևը:
Բաժանորդագրվեք մեր ալիքին Telegram-ում