Արթուր Դավթյանը Եվրոպայի առաջնության փոխչեմպիոնի տիտղոսն է նվաճել հենացատկերում
16:08, 29 Մայիս 2016
ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Մարմնամարզության Հայաստանի հավաքականի անդամ Արթուր Դավթյանը դարձավ Եվրոպայի առաջնության փոխչեմպիոն հենացատկեր վարժությունում:
Ինչպես «Արմենպրես»-ին տեղեկացավ Հայաստանի օլիմպիական կոմիտեի պաշտոնական կայքից, Դավթյանը, հավաքելով 15.316 միավոր դարձավ Եվրոպայի արծաթե մեդալակիր: Այս ձևում լավագույն արդյունք` 15.399, գրանցեց Ուկրաինան ներկայացնող Օլեգ Վերնյաևը:
Մինչ այս հավաքականի մյուս անդամներից Հարություն Մերդինյանը դարձել էր Եվրոպայի չեմպիոն՝ նժույգթափեր, իսկ Վահագն Դավթյանն արծաթե մեդալակիր՝ օղակների վրա վարժություններում:
Բաժանորդագրվեք մեր ալիքին Telegram-ում