Ֆրանց Բեկենբաուեր. Չեմպիոնների լիգայի հաղթողը կորոշվի 11-մետրանոց հարվածաշարով
ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ: Լեգենդար գերմանացի ֆուտբոլիստ և մարզիչ Ֆրանց Բեկենբաուերի կարծիքով, մայիսի 28-ին կայանալիք «Ռեալ»-«Ատլետիկո» ակումբների Չեմպիոնների լիգայի եզրափակիչ հանդիպման հաղթողը կորոշվի հետխաղային 11-մետրանոց հարվածաշարում: «Արմենպրես»-ի հաղորդմամբ՝ այս մասին հայտնում է «Championat»-ը:
«Սպասում եմ համառ պայքար այդ հանդիպմանը: Ինձ թվում է, որ հանդիպման հիմնական ժամանակը կավարտվի ոչ-ոքի և նույնիսկ լրացուցիչ ժամանակում կգրանցվի նույն արդյունքը: Հաղթողը կորոշվի 11-մետրանոց հարվածաշարով»,- նշեց Բեկենբաուրը:
Ֆրանց Բեկենբաուերը, որպես ֆուտբոլիստ դարձել է Աշխարհի (1974) և Եվրոպայի (1972) առաջնությունների չեմպիոն: Երկու անգամ արժանացել է Եվրոպայի լավագույն ֆուտբոլիստի կոչմանը:
1990 թվականին նրա ղեկավարած Գերմանիայի ազգային հավաքականը դարձավ աշխարհի չեմպիոն:
Բաժանորդագրվեք մեր ալիքին Telegram-ում