Էնրիկե Սերեսո. Կհաղթի այն ակումբը, որը հաջողակ կլինի և գոլ կխփի
14:26, 28 Մայիս 2016
ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ: Իսպանական Մադրիդի «Ատլետիկո» ակումբի նախագահ Էնրիկե Սերեսոյի կարծիքով Չեմպիոնների լիգայի հաղթող կճանաչվի հաջողակ ակումբը: Այս մասին, ինչպես հաղորդում է «Արմենպրես»-ը, հայտնում են իսպանական ԶԼՄ-ները:
«Մեզ պետք է հանգստություն և հավատ մեր ուժերի նկատմամբ: Մեր ակումբը պետք է անի այն, ինչ կարող է: Այսինքն, պետք է հաղթի: Ակումբներն ունեն հավասար հնարավորություններ: Կհաղթի այն ակումբը, որը հաջողակ կլինի և գոլ կխփի: Համենայնդեպս, հաղթող կճանաչվի Մադրիդը, որը համարվում է ֆուտբոլի մայրաքաղաք»,- նշեց «Ատլետիկո» ակումբի նախագահը:
Միլանի «Սան-Սիրո» մարզադաշտում մայիսի 28-ին տեղի է ունենալու Մադրիդի «Ռեալ»- Մադրիդի «Ատլետիկո» ակումբների Չեմպիոնների լիգայի եզրափակիչ հանդիպումը:
Բաժանորդագրվեք մեր ալիքին Telegram-ում