Յուրի Խաչատուրովը հերքում է ապրիլյան պատերազմից առաջ հակառակորդի տեղաշարժի մասին իր տեղյակ լինելը
12:30, 28 Մայիս 2016
ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ: ՀՀ զինված ուժերի գլխավոր շտաբի պետ, գեներալ-գնդապետ Յուրի Խաչատուրովը հերքեց այն տեղեկատվությունը, թե ինքը տեղյակ է եղել ապրիլյան քառօրյա պատերազմից առաջ հակառակորդի զորքերի տեղաշարժի մասին: Սարդարապատում լրագրողների հետ հանդիպմանը նա այդ տեղեկատվությունը համարեց սուտ:
«Այդ բոլոր լուրերը սուտ են և միտված են բանակը կազմաքանդելուն։ Դուք ի՞նչ է, ուզում եք բանակը կազմաքանդել»,- «Արմենպրես»-ի փոխանցմամբ՝ ասաց Յուրի Խաչատուրովը։
Գեներալ Խաչատուրովն անդրադարձավ նաև իր շքեղ առանձնատան մասին լուրերին: «Դուք իմ տունը տեսե՞լ եք։ Իմ տունը 600 քառակուսի մետր է, բնակարանս վաճառել եմ, դա եմ գնել»,-հավելեց նա։
Բաժանորդագրվեք մեր ալիքին Telegram-ում