Բեյլը հերքել է իր և Ռոնալդուի լարված հարաբերությունների վերաբերյալ խոսակցությունները
19:10, 26 Մայիս 2016
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Մադրիդի «Ռեալ»-ի կիսապաշտպան Գարեթ Բեյլը հերքել է մամուլում պարբերաբար շրջանառվող լուրերը, թե իր և թիմակից Քրիշտիանու Ռոնալդուի հարաբերությունները լարված են: Ինչպես հաղորդում է «Արմենպրես»-ը, վկայակոչելով BT Sport-ը, Բեյլը նշել է, որ ինքն ու Ռոնալդուն երբեք խնդիրներ չեն ունեցել թե խաղադաշտում, թե հանդերձարանում:
«Կրիշտիանուն էմոցիոնալ է: Նա հաճախ ձեռքերով ժեստեր է անում, սակայն նրա բնույթն է այդպիսին: Ռոնալդուն տքնաջան աշխատում է թիմային նպատակների համար: Նա միշտ շեշտում է, որ լավ աշխատելը շատ կարևոր է: Մենք շատ լավ հարաբերություններ ունենք,-ասել է ուելսցի կիսապաշտպանը:
Բաժանորդագրվեք մեր ալիքին Telegram-ում