Ասադը Թուրքիայի և Սաուդյան Արաբիայի կողմից Սիրիա ներխուժելու վտանգ է տեսնում
19:27, 12 Փետրվար 2016
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Սիրիայի նախագահ Բաշար Ասադը Թուրքիայի և Սաուդյան Արաբաիայի կողմից Սիրիա ներխուժելու վտանգ է տեսնում: Ինչպես հաղորդում է «Արմենպրես»-ը` «Ֆրանս պրես» գործակալության հետ զրույցում Ասադը նշել է, որ «չի բացառում» նման ներխուժումը, ավելացնելով, որ իր երկրի զինված ուժերը «դրան կտան համապատասխան հակազդեցություն»:
2011 թվականի մարտից Սիրիայում շարունակվում է զինված հակամարտությունը, ինչի հետևանքով, ՄԱԿ-ի տվյալներով, զոհվել է ավելի քան 220 հազար մարդ: Կառավարական զորքերին հակազդում են գրոհայինների խմբավորումները, որոնք պատկանում են տարբեր ռազմական կազմակերպությունների: Ավելի ակտիվներից են «Իսլամական պետություն» և «Ջեբհատ ան-Նուսրա» ահաբեկչական խմբավորումները:
Բաժանորդագրվեք մեր ալիքին Telegram-ում