Սեւանի մակարդակը շարունակում է բարձրանալ
18:49, 11 Փետրվար 2016
ԳԱՎԱՌ, 11 ՓԵՏՐՎԱՐԻ, ԱՐՄԵՆՊՐԵՍ : Սեւանա լճի մակարդակն այս տարվա փետրվարի 11 օրերի ընթացքում բարձրացել է եւս 2 սանտիմետրով: Ինչպես «Արմենպրես»-ին տեղեկացրին Գավառի «Օրհուս» բնապահպանական տեղեկատվական կենտրոնից, 2016 թվականի փետրվարի 11-ի դրությամբ Սեւանա լիճը ծովի մակարդակից գտնվել է 1900 մետր 25 սանտիմետր բարձրության վրա, որը 13 սանտիմետրով բարձր է նախորդ տարվա նույն օրվա եւ 2 սանտիմետրով` այս տարվա փետրվարի 1-ի նիշեց:
Նույն աղբյուրի հավաստմամբ` թեեւ Սեւան թափվող գետերը գտնվում են ձմեռային սակավաջուր փուլում, սակայն Սեւանի մակարդակը բարձրանում է առատ տեղումների եւ ստորերկրյա հոսքի հաշվին, որն այս տարվա ընթացքում կազմել է 2 միլիոն 982 հազար խորանարդ մետր ջուր:
Խոսրով Խլղաթյան
Բաժանորդագրվեք մեր ալիքին Telegram-ում