ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: ՀՀ կառավարությունը հաստատեց «Սփյուռք» ամառային դպրոցի կազմակերպում» 2016 թվականի ծրագիրը, որի շրջանակում կվերապատրաստվի մինչև 285 սփյուռքահայ: Ինչպես հաղորդում է «Արմենպրես»-ը` ՀՀ սփյուռքի նախարար Հրանուշ Հակոբյանը նշեց, որ ծրագրով կապահովվի Սփյուռքի համար մասնագետների պատրաստման և վերապատրաստման համակարգի շարունակական կատարելագործումը, 2016-ին հինգ դասընթացների ընթացքում կվերապատրաստվի մինչև 285 սփյուռքահայ:

«Ամառային դպրոցը սփյուռքահայության համար կդառնա հայերենի ուսուցման, մասնագետների վերապատրաստման հաստատուն կենտրոն Հայաստանում: Ծրագրի նպատակն է հայոց լեզ­վի իմացությունն ու կիրառումը խրախուսելը, կրթական, մշա­կութային ծրագրերի և հա­յագի­տա­կան օջախների գործունեությունը օժանդակելը, համայնք­նե­րում առկա նե­րու­ժի հաշվառու­մը, համախմբումը և համահայկական ծրագրերում դրանց ներգրավ­մաննաջակցությունը՝ հայերենի ուսուցման, իմացության մակարդակի բարձրացման, Սփյուռքի տարբեր բնագավառների գործիչների, համայնքների, երիտասարդական կազմակերպությունների ղեկավարների և ներկայացուցիչների, ուսուցիչների, կրթական գործի կազմակերպիչների մասնագիտական գիտելիքների խորացման, արդի պահանջներին համապատասխան որակավորման բարձրացմանն աջակցության նպատակով իրականացվող 5 դասընթացների իրականացման միջոցով»,- ասաց Հակոբյանը: