Արաբկիրում փակցվել են թեժ գծերի հեռախոսահամարների ազդարարման նոր ցուցանակներ
11:20, 11 Փետրվար 2016
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Արաբկիր վարչական շրջանի բազմաբնակարան շենքերի շքամուտքերում վնասված կամ հնամաշ ցուցատախտակները փոխարինվում են նորերով: Դրանց վրա փակցվելու են Երևանի քաղաքապետարանի և մայրաքաղաքի վարչական շրջանների թեժ գծերի հեռախոսահամարները: Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, գործընթացը կտևի մի քանի օր:
Նշված հեռախոսահամարների մասին ամբողջական տեղեկատվությունը զետեղված է նաև Երևանի քաղաքապետարանի www.yerevan.am պաշտոնական կայքում:
Բաժանորդագրվեք մեր ալիքին Telegram-ում