ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Նավթի համաշխարհային գների անկումից եւ դոլարի թանկացումից հետո Ադրբեջանի իշխանությունները տնտեսման միջոցառումներ են մտցրել: Դա անդրադարձել է, մասնավորապես, Բաքվի գիշերային լուսավորության վրա:

Ինչպես հաղրոդում է «Արմենպրես»-ը` վկայակոչելով ANS հեռուստաալիքը, Բաքուն ընկղմվել է խավարի մեջ:

Տնտեսման միջոցառումներն անդրադարձել են Ադրբեջանի մայրաքաղաքի կենտրոնական փողոցների վրա: Այսպես, Սաբայիլի, Յասամալի, Աբշերոնի  եւ այլ շրջաններում լուսավորությունը, որը նախկինում մինչեւ ուշ գիշեր չէր անջատվում, այժմ անջատվում է երեկոյան 22-ին եւ անգամ ավելի վաղ:

Բաքվի լուսավորության վարչության Սաբայիլի շրջանի բաժնի ղեկավար Շահմուրադ Մամեդովը հաստատել է փաստը` հղում կատարելով տնտեսման անհրաժեշտությանը:

«Ոչ միայն  Սաբայիլի շրջանում, այլ նաեւ ամբողջ քաղաքում այսուհետեւ լուսավորությունը կանջատվի ժամը 22:00-ին», -հեռուստաալիքին ասել է նա: