ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Hewlett-Packard ընկերության նախկին ղեկավար Քառլի Ֆիորինան, որը ներկայացնում է ԱՄՆ-ի Հանրապետական կուսակցությունը, որոշում է ընդունել դուրս գալ Միացյալ Նահանգների նախագահի պաշտոնի համար հետագա պայքարից: Այդ մասին, ինչպես տեղեկացնում է «Արմենպրես»-ը, նա գրել է Facebook սոցիալական ցանցի իր էջում:

Ֆիորինան խոստացել է «շարունակել ուղեւորությունները երկրում եւ պայքարել այն ամերիկացիների համար, ովքեր հրաժարվում են համակերպվել գոյություն ունեցող կարգերի հետ եւ որոնց համար արդեն անընդունելի է ներկա իրադրությունը»:

Hewlett-Packard-ի նախկին ղեկավարը շատ թույլ աջակցություն է ստացել այս ամսին ավելի վաղ Այովայում եւ Նյու Հեմփշիրում կայացած նախնական ընտրություններում, որտեղ նա հավաքել է ձայների համապատասխանաբար  շուրջ 2 տոկոսը եւ մոտավորապես 4 տոկոսը: Քաղաքական վերլուծաբանները վաղուց էին նշում, որ նա ընտրարշավի հաջող շարունակման շանսեր չունի, հաղորդել Է ՏԱՍՍ-ը:

Լուսանկարը` Getty