Ռուսաստանը պետք է արդիականացնի իր զինված ուժերն ի պատասխան ՆԱՏՕ-ի ուժեղացման
21:50, 10 Փետրվար 2016
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Ռուսաստանը կարող է արձագանքել Եվրոպայի արևելքում ՆԱՏՕ-ի ռազմական ներկայության ընդլայնմանը մարտունակության ուժեղացմամբ և զինված ուժերի արդիականացմամբ: Ինչպես տեղեկացնում է «Արմենպրես»-ը` վկայակոչելով Ռիա Նովոստին, նման կարծիք է արտահայտել պետդումայի միջազգային գործերով կոմիտեի փոխնախագահ Լեոնիդ Կալաշնիկովը:
Ավելի վաղ հայտարարվել էր, որ ՆԱՏՕ-ի պաշտպանության նախարարները որոշում են կայացրել Արևելյան Եվրոպայում դաշինքի ներկայությունն ընդլայնելու մասին: Այս մասին հայտնել էր դաշինքի գլխավոր քարտուղար Ենս Ստոլտենբերգը:
Լուսանկարը` РИА Новости
Բաժանորդագրվեք մեր ալիքին Telegram-ում