ՆԱՏՕ-ն հավանություն է տվել Արևելյան Եվրոպայում ներկայության ընդլայնմանը
20:50, 10 Փետրվար 2016
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: ՆԱՏՕ-ի պաշտպանության նախարարները որոշում են կայացրել Արևելյան Եվրոպայում ընդլայնել Դաշինքի ներկայությունը: Ինչպես տեղեկացնում է «Արմենպրես»-ը` վկայակոչելով Interfax-ը, այս մասին հայտնել է Դաշինքի գլխավոր քարտուղար Ենս Ստոլտենբերգը:
Նա ընդգծել է, որ ներկայության ընլայնումը կապահովի ՆԱՏՕ-ի ուժերի բազմազգ խմբավորումը: «Մեր ներկայությունը արևելքում կուժեղացվի այնքան, որքան պետք է, որովհետև մենք պետք է հնարավորություն ունենանք պաշտպանելու մեր դաշնակիցներին բոլոր սպառնալիքներից»,-ասել է նա:
Բաժանորդագրվեք մեր ալիքին Telegram-ում