Անի Ամիրաղյանը կրկին հաղթանակ է տոնել Թուրքիայում ընթացող միջազգային մրցաշարում
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Թենիսի Հայաստանի առաջին ռակետ Անի Ամիրաղյանը կրկին հաղթանակ է տոնել Թուրքիայում ընթացող միջազգային մրցաշարում: Ինչպես հաղորդում է «Արմենպրես»-ը, Անթալիայում ընթացող GD tennis cup women's մրցաշարի 1/8 եզրափակչում Ամիրաղյանը 6:0,6:2 հաշվով գերազանցել է Ղազախստանի ներկայացուցիչ Կարինա Կալկենովային:
Հաջորդ տուրում հայ թենիսիստուհին կմրցի Ավստրիայի ներկայացուցիչ Կարոլին Կուրզի հետ:
Մրցաշարի մրցանակային ֆոնդը կազմում է 10.000 ԱՄՆ դոլար:
Հիշեցնենք, Անթալիայում հունվարի 25-31-ն անցկացված GD TENNIS CUP WOMEN’S մրցաշարում հայ թենիսիստուհում գրավել էր 2-րդ տեղը: Իսկ պրոֆեսիոնալ թենսիստուհիների համաշխահային ասոցացիայի՝ WTA-ի փետրվարի 8-ին հրապարակած դասակարգման համաշխարհային աղյուսակում հայ թենիսիստուհին 73 տեղով առաջադիմել էր:
Բաժանորդագրվեք մեր ալիքին Telegram-ում